وبتتكلم رسمى
شوفتها صدفة وايدها ف ايده
بصت ليا ونظرة عينها عايزة تقولي تطلع مين
عملت يومها مش عارفاني
نكرت كل ما بينى وبينها مهما يبان ف عينيها حنين
وبتتكلم رسمى كمان خايفة يشوف لهفتها وخوفها
كانت خايفة عليها يبان ولا يلاحظ لما يشوفها
ف لهفة عينها وحنين ايدها
اصل لقانا ده كان يوم عيدها
عايشة بتحلم بيه لسنين
ما اهو مش معقول برضه هتحكيله
على ايامنا وعلى قصتنا
هي بكدة ممكن تديله
فرصة يسأل عن حكايتنا
قلت ما بينى وبينى خلاص صدفة اكيد وقتها هيفوت
ايوة داريت جوايا احساس خفت اعيشه بعديها اموت
لما اشوفها ماشية معاه صعب عليا اني اتخيل
انها عايشة وليها حياة وف سكتها خلاص بتكمل
يومها مكانش عندى حلول
غير ان ابعد كدة علطول
واعمل فيها غلطان قدامها واحد بيشبه على واحدة
نظرة عينها وحتى سلامها بيوصونى ارجع للوحدة
وانسى ان احنا متقابلين
وبتتكلم رسمي
محمد عبد المنعم
ساعد في نشر والارتقاء بنا عبر مشاركة رأيك في الفيس بوك