من لارفع لك بالملاقا ذراعه نَزِّهْ يمينك عن ملامس يمينه
لاصار باعك خمسة ابواع باعه خلّه يوفي بالمقاييس دينه
سنبوق ينشر وسط بحرك شراعه وموج البحر لاهاج غرّقْ سفينه
وش وهّقَهْ يعرض رخيص البضاعه في سوق غالي والفوارق ثمينه
من لا يعزِّكْ لوك تغليه باعه مبداك والنفس العزيزه حصينه
من لا رضخ لك ليش تعطيه طاعه وتحط نفسك في يمينه رهينه
خذها نصيحه من مجرِّبْ وداعه اللِّي يعينك تنهزع لا تعينه
واحفظ لنفسك عزتك والمناعه واضحك ولو إن المشاعر حزينه
ساعد في نشر والارتقاء بنا عبر مشاركة رأيك في الفيس بوك