قو بالصـبر قـلبـك .. طف نـيرانه
ماهو اول خفوق من الزمن واشي
كم جريحن شكى من قسوة ازمانه
غاير الجرح يبرى..والزمن ماشي
صافح الفجر وانسى الليل وشجانه
خل وجهك بشوش وخاطرك ناشي
لا فقــد صبره الرجــال وايمـانه
ما يصبّر عيونه دمعها الغاشي
من يجاهد بسيف الصبر وحصانه
يهزم الهـــم لين الهم ينحــاشي
قلّـة احزان قلبك .. كثرة احزانه
ما يهم العذول ..الا رضى الواشي
لو ترى الوقت تنهش حلمك اسنانه
ابتسم للمقـدر .. رابـــــط الجاشي
ارس مثل الجبل .. من طيب سيسانه
شامخن للسحـاب الغـر نواشي
ساعد في نشر والارتقاء بنا عبر مشاركة رأيك في الفيس بوك