زعلان .. كاظم إسماعيل الكاطع
زعـــــــــــــلان!
بــس يــا زعـل
لمن ترد للصدك
كبل المنـاده اجـي .. وشلـون جيه اجي
أركض ركض محترك!
ياللذتـك إبريتـي ويـن الكـه مثلـك هـوى
لـولاك واللـه أختنــك
هي شراكة نفس لو سكت كلبك
سكت كلبـي ويـدك لـو يـدك
لـو مـا وكتنـه صعـب مـا جـان ابد نفترك
كلمن مشه لحالتـه
واحد سكن بالغرب واحد سكن بالشرك
وكـل هالمسافـه البعـد
وسوالفـك تنسمـع جـن احنـه حلـك ابحلـك
واللــه عشكنــا عشــك
يامــن امكــدر علــي غيــرك فصالـه صعـب
جـم دوب اخيـط واشـك
حنيــت انـــه لشوفتـــك
واصبرت بس ما صبر كلبي وصرخ راح اطك
جابانــي الــك واذعنـــت
جيتــك ابليلــه شتــه ظلمـه ومطرهـا رشـك
وشبعــده صــار الــدرب
خـــوف ورعيـــد وثلــــج
وجفــــوف اديــــــه زرك
ابابـك طحـت ها كمـت ضميت اديــه او ردت
عالبــــاب بالــــروح ادك
بـس كالـو إلمن تـدك
كلمن مشـه لحالتـه
واحـد سكـن بالغـرب واحـد سكـن بالشـرك
ساعد في نشر والارتقاء بنا عبر مشاركة رأيك في الفيس بوك