انا نفسي اكون انسان ناجح
انا نفسي اكون انسان ناجح
ومين قالك انك دلوقتي مش ناجح ، انت شخص ناجح بمحاولاتك كل يوم انك تكون احسن ،بعدم استسلامك للظروف اللي ممكن كل يوم تحبطك وتكسر من عزيمتك ، بتجاهلك لكل كلمة وكل شخص بيقلل منك او من اي عمل أو هواية بتحبها ، بإيمانك بأحلامك وأنك تقدر تحققها رغم كل المعوقات اللي ممكن تقابلك ، نجاحك مش انك تبقي اشهر أو احسن شخص في العالم ، نجاحك هو المحاولات الصغيره اللي بتحسن منك كل يوم ، وبتغير من افكارك، نجاحك موجود في كل طريق بتسعي فيه حتي لو حسيت ان كل الابواب مقفوله ، انت ناجح بنفسك ولنفسك وفشلك مره واتنين بيدل علي اجتهادك انك تغير وضعك الحالي ، وخبرتك في الناس وفي الحياه اللي بتزيد يوم بعد يوم ، انت ناجح واكيد هتوصل للي بتتمناه في يوم طول مانت متفائل وعارف انك تستحق تعيش احلامك وفي يوم هتعيشها وهتقدر تحققها وهتبقي فخور بكل لحظة تعب ولحظة يأس عدت عليك وعملت منك شخص قوي قادر يتحدي اي شئ وكل شئ. #فاطمة_الزهراء |
الساعة الآن 02:55 PM. |
Powered by
vbulletin
Copyright ©2000 - 2024.
أن المنتدى غير مسئول عما يطرح فيه أفكار وهي تعبر عن آراء كاتبها