حكاية ولد .. صلاح جاهين
حكاية ولد .. صلاح جاهين
كان فيه ولد صغيّر عنده انتاشر سنه . عيّل مفعوص و قصيّر و غاوى فَتونه ، بيمثل دور فى ذهنه لشخص عظيم الشأن ، و يوماتى يحلق دقنه مع إنه مالهش دقن . بالموس و خلاص و يحرت ( المجنون البعيد ) لحد ما دقنه كبرت قال لك ده اليوم ده عيد و وقف قدام مرايته يتنط م الفرح اكمنَّه ( حسب روايه ) زى باباه انجرح ... تَعَ شوفه بقى النهارده راجل بيه قد الحيط و صداغه كل فرده فيها من القطن غيط ، يحلف ع النار و الميه مهو حالق جمعتين .. و دى قصة فلسفية مغزاها ف كلمتين : شرم برم ، يا حلوللى هأو أو إشّ إشّ ، ترالاللى ، أمان يالالاللى حرنكش ، طظ فش . |
الساعة الآن 05:43 PM. |
Powered by
vbulletin
Copyright ©2000 - 2024.
أن المنتدى غير مسئول عما يطرح فيه أفكار وهي تعبر عن آراء كاتبها