منتدى لغة الروح

منتدى لغة الروح (https://www.logatelro7.com/vb/index.php)
-   الأدب النبطي (https://www.logatelro7.com/vb/forumdisplay.php?f=17)
-   -   ليت حزني مثل حزن البشر وأكتبه ~~ وليت دمعي مثل دمع العيون ويسيل (https://www.logatelro7.com/vb/showthread.php?t=97)

طائر الامل 07-16-2013 10:42 PM

ليت حزني مثل حزن البشر وأكتبه ~~ وليت دمعي مثل دمع العيون ويسيل
 
[عزيزى الزائر لايمكنك مشاهده الروابط الا بعد التسجيلللتسجيل اضغط هنا]



[ ليت حزني مثل حزن البشر وأكتبه ~~ وليت دمعي مثل دمع العيون ويسيل ]







غابت الشمس وإلا الحزن له مغربه
وين أبغرب وأنا حزني غروبه ثقيل





مجدبه ياجروحي والسماء معشبه
ساكنه والهوى ميل جريد النخيل





بارده ياحروفي والدفاء موهبه
بارده مثل برد الخوف والمستحيل





صوتٍ أبعيد في قلبي ياليت أقربه
وبين قلبي ومابيني طريقٍ طويل





ليت حزني مثل حزن البشر وأكتبه
وليت دمعي مثل دمع العيون ويسيل




أشهد أني ردي حظ وردي تجربه
وأشهد أني على بعض المشاعر بخيل





أيه مذنب في هالدنيا وهي مذنبه
من دفا حلمي الطيب لبرد الرحيل





عذري اللي متعبنّي وأنا متعبه
مال قلبي على بعض الهقاوي دليل





كل طيرٍ له اللي بالسماء يجذبه
وكل غصنٍ تجوز له الهبايب يميل





صرت أقول الكلام المر وأستعذبه
صرت أخاف الدفاء لوني وحيدٍ نحيل


كم صبرت وليال الصبر مستغربه
لين قلة حلاة الصبر لو هو جميل


الزمن صعب والنسيان يامصعبه
والدفاتر نشيّلها الهموم وتشيل

[عزيزى الزائر لايمكنك مشاهده الروابط الا بعد التسجيلللتسجيل اضغط هنا]


الساعة الآن 04:17 PM.

Powered by vbulletin
Copyright ©2000 - 2024.


HêĽм √ 3.1 BY: ! ωαнαм ! © 2010

أن المنتدى غير مسئول عما يطرح فيه أفكار وهي تعبر عن آراء كاتبها

This Forum used Arshfny Mod by islam servant