منتدى لغة الروح

منتدى لغة الروح (https://www.logatelro7.com/vb/index.php)
-   الأدب النبطي (https://www.logatelro7.com/vb/forumdisplay.php?f=17)
-   -   قصيدة الطيب فرصه والجمايل توافيق (https://www.logatelro7.com/vb/showthread.php?t=219)

طائر الامل 07-24-2013 02:59 PM

قصيدة الطيب فرصه والجمايل توافيق
 
[عزيزى الزائر لايمكنك مشاهده الروابط الا بعد التسجيلللتسجيل اضغط هنا]


قصيدة الطيب فرصه والجمايل توافيق

للشاعر/سعد بن مناحي بن شفلوت القحطاني




الطيب فرصه والجمايل توافيق
ومن لاتوفق ماكتب له جماله


ومن لارقى للطيب روس الشواهيق

مازان له وقته على مابداله

ومادام لفعول الجمايل عشاشيق
كسب الجمايل ما يجي بالسهاله

ولو انها تشرب مع فكة الريق
كل خذاله كل مااصبح بياله

والطيب منوه للقلوب المشافيق
كل يتوق ومنوته راس ماله

والمدح مايزهى على الرجل ويليق
الا لا صارت وافيات خصاله

يستاهله رجل يفك المزانيق
اللي يقال ونعم لا جاء مجاله

ومن ساقته نفسه وهو مابعد سيق
لاجل الجميل يزين الله فاله

والمرجله ماهي بتحتاج تنسيق
من بين قلب اللي عشقها وباله

ومن عادة الدنيا تخون المواثيق
تفتر مكرتها سواة المحاله

ولو لا اللوازم ماعرفنا المخاليق
مانعرف الرجال لين انعناله

والكفؤ تظهر فزعته حزة الضيق
وينشاف في الشده بعين العداله

نسل الرجال متعبين الملاحيق
متوسط من بين عمه وخاله

واللي يطيق ولا بغى قال مااطيق
تحرم عليه المرجله والشكاله

والهينه تكبر على اللاش والهيق
له في الرخاء قاله وفي الضيق قاله

والطيب شاره والضماير صناديق
واللاش طيبه ما تعدى ظلاله

وانا اسبر قلوب الرجال المغاليق
والصامت اقطع غايته من مقاله

ومادام في الدنيا رجال ومطاليق
نصيتهم واللاش مالي وماله
[عزيزى الزائر لايمكنك مشاهده الروابط الا بعد التسجيلللتسجيل اضغط هنا]


الساعة الآن 12:41 PM.

Powered by vbulletin
Copyright ©2000 - 2024.


HêĽм √ 3.1 BY: ! ωαнαм ! © 2010

أن المنتدى غير مسئول عما يطرح فيه أفكار وهي تعبر عن آراء كاتبها

This Forum used Arshfny Mod by islam servant