منتدى لغة الروح

منتدى لغة الروح (https://www.logatelro7.com/vb/index.php)
-   الركن الهادئ (https://www.logatelro7.com/vb/forumdisplay.php?f=19)
-   -   و هو انت مش قولتي (https://www.logatelro7.com/vb/showthread.php?t=2236)

حكاية روح 10-28-2019 08:04 PM

و هو انت مش قولتي
 
و هو انت مش قولتي

خلاص ماشيه و فايته حياتى و زمانى..

و لملمتى حنين قلبك

و شوق كان لسه بيغالبك

و قولتى مش هعود تانى..

و رديتى ع الدموع بابك

ولا سمعتى لصوت قلبى

اللى فى طرف هواكى كان شابك

و قولتى لفرحى ينسانى..ش

..

و هو مش انت اللى بعتى

للعذاب حلمى

و هديتى قصورى و كان علمى

هواكى ليا كان بانى..

طب ليه قوليلى دلوقتى

بشوفك ليه بطول وقتى

و ساكنه كل اركانى..

و ليه طيفك بيندهلى

و صوتك لسه فايتاهلى

يهز كل وجدانى..

و ليه رغم البعاد شايفك

و اسمى لسه فى شفايفك

فى ودنى احلى الحانى..

و ليه عيونى بتدمع

و صوتك فى الفضا مسمع

و ليه ساكنه فى شريانى..

..

بنات افكارى ليه شايلة

ملامحك كلها فيها..

و دمعة عينى ليه سايلة

و عينى النوم مجافيها..

و شجره حبنا المايلة

خريفها ليه وصل بدرى

و بلون الحزن كاسيها..

نسيتى حلمنا (سهيله )

طب مين بعدك يسميها..

و مين هيردد الألحان

و يلعب ويا (سفيان )

و يستنانى فى أهدى

ركن م الاركان

يا كل الدنيا و ما فيها..

...........

........... خالدعبدالمعطى...........


الساعة الآن 06:36 PM.

Powered by vbulletin
Copyright ©2000 - 2024.


HêĽм √ 3.1 BY: ! ωαнαм ! © 2010

أن المنتدى غير مسئول عما يطرح فيه أفكار وهي تعبر عن آراء كاتبها

This Forum used Arshfny Mod by islam servant