منتدى لغة الروح

منتدى لغة الروح (https://www.logatelro7.com/vb/index.php)
-   الركن الهادئ (https://www.logatelro7.com/vb/forumdisplay.php?f=19)
-   -   خناقات المتجوزين فى الشتا (https://www.logatelro7.com/vb/showthread.php?t=2221)

حكاية روح 10-28-2019 07:37 PM

خناقات المتجوزين فى الشتا
 
بقولك ايه يا ابتسام ماتقومى كده تعمليلنا شوية فشار وتجيبلنا لب وسودانى نتسلى بيهم واحنا بنتفرج على التليفزيون

لأ قوم انت يا ابراهيم انا مش قادرة اطلع من تحت البطانية

طيب ما انا يا ابتسام لسة من شوية قافل شباك الحمام وقافل حنفية المطبخ

يعنى انا اللى كنت بلعب يا ابراهيم ما انا لسة كنت بلم الغسيل من المطرة

طيب ما انا لسة مغيرك الأنبوبة ولميتلك ستاير البيت كلها

ما انا كنت بعملك ساندوتشات ليك ولعيالك

يعنى انا اللى مقصر يا ابتسام ما انا شقيان طول اليوم علشانك انتى وعيالك

ما انا برضو شايلة قرفك انت وعيالك يا ابراهيم من غسيل لطبخ لحرقة دم عشان تنبسط انت وولادك

طيب ما انا مستحمل نكدك ولسان امك اللى زى العقربة فى الدخلة والخارجة

هى حصلت تجيب سيرت امى يا ابراهيم اسم الله على امك اللى عنيها يندب فيها رصاصة ده عندكو فى الحتة مسمينها شرارة من عنيها الوحشة

بقى انا امى عنيها وحشة يا ابتسام انتى نسيتى ابوكى محبوس فى أيه

انت كمان هتغلط فى ابويا والله ما انا قاعدة معاك دقيقة واحدة قوم حالا اتصل بالمأذون ييجى يطلقنى

لا قومى انتى جيبى التليفون انا مش قادر اطلع من تحت البطانية

[عزيزى الزائر لايمكنك مشاهده الروابط الا بعد التسجيلللتسجيل اضغط هنا]












الساعة الآن 01:27 PM.

Powered by vbulletin
Copyright ©2000 - 2024.


HêĽм √ 3.1 BY: ! ωαнαм ! © 2010

أن المنتدى غير مسئول عما يطرح فيه أفكار وهي تعبر عن آراء كاتبها

This Forum used Arshfny Mod by islam servant