(|`•.¸¸.•|`•.¸¸.->عشقت أكثــــــر <-.¸¸.•|`•.¸¸.•|)

أخاف تحبني مرَّه وأحبك لأجلها مرات	وأخاف أقول لك مشتاق وتسألني جهل من له؟
تشّهينا الغلا مرَّه ولا نشبع من المشهات	مدام إن الوله سيطر على عقل الرجا جلّه
ياروح الحب ذا كلي يقول لمكرماتك هات	حسيب الجوع واللهفه عطيشه مالقت بلّه
أمانه من جمع نفسي و رتبني وأنا بشتات	ومن شرَّع لبسماتي بعد كُفر الشقا ملّه
لقت فيك أمنياتي أرض وطاب إلها كذا منبات	تطمن ياالبراح اللي تجيب الوبل و تغلّه
سكوتي لو نطق غيري أحس إن الكلام سكات	إلى من قالت أشواقه..أقول لمبسمي قلّه
أنا حكيي على سطر العيون اللي تعاف تبات	كأن الشمس هي قصدي وعيني فيه وظلّه
ولكن ظلة عيوني رهينه لاحتباس الذات	غلايق لو نويت أحكي تشد الحرف وتشلّه
حقيقه مامضى هين وباقي مارهني آت	يجلون الذي يبغوا أنـــــــــا لي ود بجلّه
تجيني ضيف ,,جا كلي ضيافه من لمحتك جات	مشاعر صليها يقدح خفوقي كني الدلّه
تربَّع عالبساط اللي فرشته أغنية وأبيات	توسد عالرضوخ اللي يجيلك إيوه وإلّه
تحلا بالشعور المنغمس في أصدق اللذات	ودونك سوء من ظني وخوف ودي تذلّه
ألومك ياالضروف اللي صنعتي للغياب أوقات	وألومك ياالغياب اللي تطيع الظرف وتحلّه
ياويل الليل لو ياتي ولا بعده صبح ملفات	ياويل الصبح لو يحرم حبيس الشوق من ظلّه
تشابه عندي أيامي فبكره نفسه اللي فات	ياوجه اليوم وش عندك حضورك مثلك آمله
لو إنه بيدي أدخل بك وأعيشك ياالغرام سبات	ولكن الجفا حسبي عليه سلاحه يسلّه
حرام إني كثر ماضرني حزن وكدر وآهات	أحمل الشمع في كفي لو إني دمعي أهلّه
رسمت بشفتي فرحي وهو في شف قلبي مات	عطيت الأمنيه موطن وأنا ما ظني أدلّه
شعوري لو عشق أكثر بكون أكثر منه مرات	لأنه لو يجي لهفه بكون اشتقت له كلّه