لونك مخطوف
كدة ليه يا عم ؟
تكون تعبان
و لا يكون
ماليك الهم
قولي مالك
قول ياعم
قالي:-أقولك إيه
و أنا حالي يا ابني يغم
كانت فلوسي كتير
و لا تتعد و لا تتلم
و عندي عيال
كنت ليهم أب و أم
ربيت..تعبت
و شيلت عنهم ياما الهم
و بصراحة عملوا حساب لتعبي
و عملوا أكتر حساب للدم
حجروا عليا
و قسموا فلوسي عليهم
بس إيه بشرع الله
و من غير أي ظلم
وبعد ما كنت الأهم
بقيت الآخر و مش مهم
و تقولي يجي منين الهم !!
يااخي ملعون أبو الفلوس
اللي تخلي السم
يجري في عروقهم بدال الدم .
ساعد في نشر والارتقاء بنا عبر مشاركة رأيك في الفيس بوك