(.•'´(_¸.•'´قـــــــاضي الحــــــــب •.¸_)`'•.¸)

2012-11-06

 

 

 

 

 

 

 

 

                سامحت كل اللي بدر من مساويك

أعطيك حق تروح والقلب راضي

 

وإن كان ودك عن خطاتك أجازيك

ما أرضى ولو ترضى على الحب قاضي

 

دام البعاد اللي حصل مايكفيك

روِّح ترى بند العقوبات فاضي

 

لاتظن يوم أجرحك ولابأذيك

أكبر جزا يكفيك مني تغاضي

 

لاني مناديلك ولاني محاكيك

ولاافتراض الوصل جا بافتراضي

 

ماأقدر من أشباح الخيانة أنجيك

ماضي وكيف يكون تغيير ماضي

 

التضحيه ماهي على شان عينيك

بيني وبين العفو عقد افتراضي

 

ما كان حبي تسليه لجل أسليك

برمي على الذكرى رصاص امتعاضي

 

شوف إنت قد ايش الليالي تعنيك

والأتربه ماهي بكبر الأراضي

 

والحاجه اللي شرها في محانيك

معها عشان تعيش بتكون راضي

 

لين إن تزرعها بنفسك وتحييك

وتعيش بين أرذالها بالتراضي

 

حظك وحقك لو تباطيت بييجيك

ولا إنت بترد القضا باعتراضي

 

الغدر ما يدمح ردايا تدنيك

ولا هو مشتت في عناي اكتظاظي

 

لابد لو ترضيه شرٍ يجازيك

ويرد لك مافات من دون قاضي

 

 

 

» بيانات الكتاب : عنوان الكتاب » :
مؤلف الكتاب » :
التاريخ» : 2012-11-06



أضف تعليق

الأسم*

البريد الإليكترونى*

الموقع الإليكترونى

التعليق*     «يمكنك اختيار تعليق جاهز بالضغط هنا»




تصميم وبرمجة المتحدة لخدمات الانترنت

جميع الحقوق محفوظة © لموقع لغة الروح