! ⁄⁄ …שσωذبحت حلميσωש… ⁄⁄

2011-12-23

 

 

 

 

 

! ⁄⁄ …שσωذبحت حلميσωש… ⁄⁄

 

ياليتني يا عــقاب ميت مع الــميت

شطرٍ لابن عدوان مبطي حفظته

من علــــةٍ بالقلب أقبلت واقـــــفيت

رجوى الدواء مير الدوا ماشربته

أحيان أقول إني بخياراتي أخطيت

وأدفع ثمن جــــــرم ٍكبير ارتكبته

وأحيان أقول إني بحــــــياتي تعنيت

لأني مثال لشـــــــي قلت وفعلته

ياغيم أنا مبطي للأشـــواق حــــنيت

ياغيم أنا طين الهواجس شربته

مو بس أنا من داخلـــي ما تصافيت

حتى الشقا لمـــــا شربته كدرته

النوم يسهر في عيوني ولاأ بيــــت

واليا غـفا من علو كتفه نفضته

والحزن خلاني و لانـــي تخلــــــيت

يوم ابتعد من معصمه لي سحبته

تعال ياحـــــزنـــــي وناد التـــناهيت

بالله لاتنسى الألم لـــــي زهمته

أنا الـذي عن درب حلــــــمي تنحيت

وباختياري في خفـــوقي ذبحته

اشلون يحيا شيء في صدري الميت

شمع يصيح بظلمتي مااحترمته

يامـــا وياما في غرامـــي تــــمنيت

وأعيد طول الليل باكر حضنته

وإليا لــــفا من فـــرحتي فيه سهيت

نسيت أنا كل شيء من يوم شفته

أحبه ولاأدري علـــــى ويش حبيت

يمكن عشـــاني ماعرفته عشقته

يامـــــا على حزنه سهرت وبكيت

وأكثر معارفــــنا يقولوا خسرته

وكذبتهـــم وبقصــــه الحب مديت

ليني بلا رحــــمه قدرت ودفنته

ماأقول أنا في دنيــــــتي ماتهنيت

بس العذاب الــلي لحقته شرحته

ياذا الجواب اللي انتظرته ولاجيت

ملّ السؤال اللي انتظرك وكرهته

ليه الهوى أصــــبح بلا زادٍ وبيت

إلا الصـــدق بــــالله ويـــنه فقدته

 

» بيانات الكتاب : عنوان الكتاب » :
مؤلف الكتاب » :
التاريخ» : 2011-12-23



أضف تعليق

الأسم*

البريد الإليكترونى*

الموقع الإليكترونى

التعليق*     «يمكنك اختيار تعليق جاهز بالضغط هنا»




تصميم وبرمجة المتحدة لخدمات الانترنت

جميع الحقوق محفوظة © لموقع لغة الروح