يكفي وله كل الكلام اصطناعي

يلّي غلاتــــــــك شمها أول أكسيد

مافيه داعي تستـــــعيد الدواعي

فالصيد مايعسر على راعي الصيد

من دمعي اللي قِد ملا حدر قاعي

وأينـــع علــــيّ من الثمر والعناقيد

أو صدمتي أو حيرتي في صراعي

والأسئلــــه تشبه شـــــعيل المواقيد

الـ  ( ليه) صبت بالخفوق ارتياعي

والـ (كيف) تسهر عالعيون السواهيد

لو كان ناتج حــــب قسمة ضياعي

لا تعــــذلون إن شلت للحب تمجيد

مانـــي بمن يخـــفي حنيني قناعي

صدقي غيوم وغيث حبي تراعــيد

ياموت من ردك وأنا عنك داعي

إقبل علي لــــو جيتني ليلـــة العيد

وإشره على من بالهوى مايراعي

اللـــي رمـــاني بالألـــم والتــناهيد

حبٍ خذيته عن زمانــــي ذراعي

وأصبح علي أوجع من الحبل والقيد

أوجع هدوء الليل صوت التياعي

وأبكى عيون السحب نكث المواعيد

وأربك ركادة شعر كثر اندفاعي

وأدمــــى ســواد الحبر كثر المناقيد

هذا البحر يبكيه تيــــهة شراعي

وهذي الأراضي من الجفا شوفها بيد

وهذي النجوم اللي تلالي تراعي

معها القــــمر يأمــــل لهالحب تخليد

إن وسطوا له للرضا ألف ساعي

وجه المحبه شوهــــته التــــــجاعيد

لابي لقــــا خلــــــي ولابي وداعي

ولو طال بي عمري فلا شيٍء مفيد

القلب طيب والفكر فكــــر واعي

والحــــر غير العــــبد عزه تقـــاليد

وأنا خطاتي في غلاي انصياعي

كثر العطا كب السهر والـــــبراريد