||¦☼ж−ـ‗أبجديـــــــــة معانـــاة ـ−ж☼¦||

2011-12-23

 

 

 

 

 

 

 ||¦☼ж−ـ‗أبجديـــــــــة معانـــاة ـ−ж☼¦||

                                                                   

أكابر أتحمل على صغر سني

وأنا غبني هـــالدواخل شغيـله                    

بعد العنا كل الأمــاني جفنـي

عجزت أحصّل في طموحي وسيله

تالي هذاك الليل دمعي غلبـــني

ساعات هوجاس بألمها طويلـــــــه

ثلمه ربت في داخلٍ مستكني

أشجان ياهي عالمعاني ثقيـــــــــــــــله

جراح من يرمي ورمحه عطبني

يوم إن يدينه عالإصابه عجيـــــــــــله

حُـــــرية الإنسان للــــعز تبني

كل النفوس اللي تخلّت ذليلــــــــــه

خلّ الحسايف قوم كبّر وثنّـــي

مير الشجاعه بالنوايب جليلــــــــه

دموعي اللي لا كتبت كتبنــــي

إليا رسمت الحرف دمعي هميـــــله

ذاتٍ على ماقيل ماهي بتحنـــي

إلا إلى صارت على الله دخيلـــــه

رهبة هذاك الموقف اللي شغلني

لا من عرفت إن الحموله قليلــــــه

زاد المسير اش حالتي لانقصني

لا صرت أنا في وسط قبري مقيله

سؤال جابه لي ضميرٍ ســـــألني

يا حبرليه الناس صارت سفيلـــــه

شلي فقدته يوم خلي ملكنــــــي

يمكن أنا اللي كنت أكثر سـهيلـــه ؟

صمّيت كل اللي يهمه وحفظني

أعطيت أنا ماكنت لحظة بــخيلــه

ضمّيت نوره لين نوره حرقني

حسيت أنا بالضيق لازاد كــــيلـه

طلبت كل إنسان لنّه طلبــــــني

أهون أنا و ما شيء عنه أحــــيله

ظلمت كل إنسان من حسن ظني

سويته أحسن شخص من غير حيله

عاد الغرام اللي ملكني غبنــي

كل المهم إن الحســــــــــافة طويله

غُربه تمّوت كُل حلم وتمنـّــي

أحزان تذبح كل مجنى وحصيله

فين الصديق اللي بنا ماهدمني

وأغنى عيوني عن وجاهة قبيلـــه

قدام أنا رجلّي عنهم خذنـــّـــي

بأقصى الطريق هناك عندي فسيله

كل الهموم اللي ربت واكتسنـي

بطفي هذاك الجمر وحلمي أشيلـــه

ليني من الفرحه أطير وأغنـــي

وأكون أنا أول خل فاز بخــــليلـــه

مفطور قلبي قبل عقلي سمعنــي

الحرف قبل إنه يجيني يجــــــيلــه

نهايتي لاقــــــال ياشوق دعنــي

من وين أجيب إن غاب واحد مثيله

هديتي عمري حياتي إن وصلني

سليل أنا منسل من سلسبـــــــــيله

وعــــــدٍ إذن الله يومٍ وهــــــبني

لعز ذاك القلب لاهلّ ســــــــــــيله

يا من قرا شعري ويغريــــه فني

الضيقه اللي قلتها لك قلـــــــــــيله

 

 

 

 

 

» بيانات الكتاب : عنوان الكتاب » :
مؤلف الكتاب » :
التاريخ» : 2011-12-23



أضف تعليق

الأسم*

البريد الإليكترونى*

الموقع الإليكترونى

التعليق*     «يمكنك اختيار تعليق جاهز بالضغط هنا»




تصميم وبرمجة المتحدة لخدمات الانترنت

جميع الحقوق محفوظة © لموقع لغة الروح